TAKSØEP NALUNAARUSIAA Nunatta qaammataasiakkut nakkutiginera 1-2 milliardinik akeqassaaq

Danmarkimilu Tekniske Universitetimi, DTU-mi ilisimatuut pisortaata, Jens Olaf Pepke Pedersenip siumut isiginninneq nuannaarutigaa.

 - Kisianni kinaluunniit akiliisussaagaluarpat tamanna akisoorujussuussaaq, Jens Olaf Pepke Pedersen DR-ip ullaakkut aallakaatittagaanut, P1 Morgen-imut, oqarpoq.

- Qaammataasiat atorlugit issittumi attaveqatigiinnissamut atortoqartoqassappat qaammataasiat ikinnerpaamik marluk silaannarsuami kaaviaassapput saniatigullu sillimmatinik ataatsimik marlunniilluunnit peqartariaqarluni, taamaalillutalu milliardinik aningaasaliissuteqassaagut.

- Tamanna milliardimik ataatsimik marlunnilluuniit akeqassaaq, Jens Olaf Pepke Pedersen DR-imut oqarpoq.

Aamma atuaruk Illersornissaqarfiup Issittumi suliniutai nukittorsarneqarlik

Aamma atuaruk TAKSØEP NALUNAARUSIAA Issittumut tunngasut uani atuakkit

Qaammataasiat nunatta silannaata nunataatalu naliginnaq isaaffigineqannginnissaanik nakkutiginninnermut, maannakkut sukkut tamaanaartuusumut atorneqassapput. Taassumalu saniatigut innuttaasut internetsimut attaveeqaataanut iluaqutaangaatsiarsinnaassalluni. 

- Illersornissaqarfiup attaveqaqatigiinnissamut ajornartorsiutigisaanut kisimi aaqqiissutaanavianngilaq, tamannami aamma attaveqaatinut bredbåndiusunut attaveqaqatigiinnernullu akikinnerusunik pilersitsisinnaavoq, inuiaqatigiinnullu kalaallinut periarfissarusujussuarmik tunisissaaq.

Akiligassallu allallu avinneqarsinnaapput, assersuutigalugu Norge Canadalu assingusumik qaammataasiat atorlugit pilersaaruteqarput.

Qaammataasiallu aserujuissusaat ukiunik qulinik 15-inilluunnit sivisussuseqarpoq, taamaammat 1-2 milliardit koruuninik ukiut tamaasa akiliisoqartarnavianngilaq.

DTU-mi ilisimatuut pisortaata, Jens Olaf Pepke Pedersenip apersoneqarnera tamaat uani tusaasinnaavat.