Assi: Camilla Dam/KNR

Nunatta nunasiaataanerata oqaluttuassartaa pillugu saqqummersitsiniartut

Nunatta Danmarkip nunasiaataatut oqaluttuassarisaanera katersugaasivimmi saqqummersinneqartussanngorpoq. Danmarkip nunasiaatigisimasai pillugit saqqummersitsineq ataavartoq nutaaq Danmarkip Katersugaasivissuani oktobarimi ammarneqassaaq.

Saqqummersitsineq taaguuteqarpoq ”Stemmer fra kolonierne” (Nunasiaatinit nipit, aaqq.) inuillu nunasiaateqarnerup nalaani inuusut sammineqassapput.

Saqqumersitsinermillu takuniaasut kalaaleq piniartoq Pôq, Københavnimi 1724-mi qaannamik kinngusaqattaarnermik takutitsisimasoq, profetilu kalaaleq Habakuk paasisaqarfigisinnaassavaat.

AAMMA ATUARUK Ilisimatooq: Kalaallit Nunaat suli nunasiaataavoq

Nunasiaateqarnermeersut immikkuullarissut arlallit aamma saqqummersinneqassapput, soorlu oqaluffiup siarnga kigartorlugu kalaallisut allattuiffigineqarsimasoq kristumiullu Nunatsinni ajoqersuiartorneranneersoq, Danmarkip Katersugaasivissua nittartakkamini taama allaaserisaqarpoq.

- Nunasiaateqarnerup oqaluttuassartaanik tulluartumik allaanerusumillu isiginnittaaseqarluni saqqummersitsinissarput kissaatigisimavarput. Nunasiaateqarnermi pineqaraangat pissaaneq, sunniuteqarniarneq, nerisassanut akuutissat inussiaateqarnerlu pineqarnerusarput. Saqqummersitsinermi matumani nunasiaateqarfinni inuit nipaat saqqummiukkusuppagut. Naqqanit qulliunerusunut, Danmarkip Katersugaasivissuani pisortaq, Rane Willerslev taama oqarpoq.

Danmarkip Indiaaqqani, Indiami, Afrikap kitaani nunasiaateqarnermik oqaluttuarisaanera saqqummersitsinermi oktobarip 13-iani ammarneqartussami aamma ilaassaaq.

AAMMA ATUARUK Nunasiaataaneq kalaallinit oqaluttuarineqartoq

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!