Assi: Julius Jeremiassen

Folketingi: Nunatta namminiilivinnissaanut aningaasaqarneq apeqqutaassaaq

Nunatta namminiilivinnissaanut aningaasarsiornikkut imminut napatissinnaanissaq apeqqutaassaaq. Folketingimi amerlanerussuteqartut taama aalajangeeqqammerput.

Siunnersuuteqartut ilagaat Inuit Ataqatigiinneersoq Aaja Chemnitz Larsen aamma attaviitsoq Aleqa Hammond.

Nunatta namminiilivinnissaa pillugu Folketingimi oqallinneq, Dansk Folkepartiimeersup Søren Espersenip sapaatit akunnerata siuliani siunnersuutigisaa, taama aalajangernermik inernilerneqarpoq.

Nunatta namminiilivinnera innuttaasunut qanoq sunniuteqassanersoq Namminersorlutik Oqartussanit nassuiaatigineqarnissaa Espersenip piumasaraa. Aamma Namminersorlutik Oqartussat namminiilivinnissaq pinnagu maanna aningaasaqarnikkut inuiaqatigiinnilu ajornartorsiutaasut sammisariaqaraat piumasaraa. 

Espersenilli siunnersuutigisaa itigartitsissutigineqarpoq. Tamatumunngalu taarsiullugu Folketingimi amerlanerussuteqartut Inatsisit tunngaviusut pillugit isumalioqatigiissitap sulinera tapersersorniarlugu toqqarpaat. 

Aamma danskit naalakkersuisuisa Namminersorlutik Oqartussanut aaqqissuusseqqinnissamut aningaasalersuisartunillu soqutiginnilersitsinissamut ikiuinissamik neqerooruteqarnissaat Folketingimi amerlanerussuteqartut kissaatigaat. 

Ministeriunerullu Lars Løkke Rasmussenip siornatigut oqaatigereerpaa Naalakkersuisunit tamanna saaffiginnissutigineqarpat piareersimaffigalugu.

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!