Nunatta aningaasarliornera Folketingimi oqallissutigineqarpoq

Nunatta aningaasarliornera Folketingimi sisamanngormat oqallissutigineqarpoq.
Allattoq Jens Thorin
februaarip 09-at 2015 10:00

Nunattami karsiata amigartooruteqariataarnera aningaasarsiornikkullu  siulittuutit isumalluarnanngeqisut, danskit inatsisiliortuini illua tungiliuttut oqaloqatigiissutigiumavaat.

Taama aamma danskit naalakkersuisa Nunarput ajornartooqqanerujussuani sutigut ikiorniarneraa, partiit talerpilliunerusut ministeriunermut apeqqutigaat.

Kalaallit ilaasortat marluk, Siumumeersup Nick Nielsenip aamma  IA-meersup Johan Lund Olsenip, ajornartorsiuteqarnera ilumoornerarpaat oqaatigaluguli, Nunatta aningaasaqarnera nunatsinni politikkerit suliassarigaat:

- Folketingimi Kalaallit Nunaanni piossutsit assigiinngitsut soorunami oqallisigineqarsinnaapput. Kisianni uani pingaaruetqarpoq oqaatigissallugu, Qallunaat Nunaat Kalaallit Nunaallu isumaqatigiissueqarput, tassa namminersornermik isumaqatigiissut, Nick Nielsen oqarpoq.

Aamma atuaruk Nick Nielsenip Folketingemi oqaaseqaataa

Ilaasortaaqataa, IA-meersoq Johan Lund Olsen danskinut politikerinut sakkortusaarneruvoq.  

- Tunngaviatigut naapertuuttutut isiginngilarput, nunap inatsisartuisa - uani danskit Folketingiat eqqarsaatigalugu - nunap allap aningaasaqarnera pillugu oqallinnerat. Tamanna taaneqartarunarpoq tassaasoq, nunap allap ilumini susassaqarfiinut akuliunneq.

Sermitsiaq.gl napertotlugu taama oqarneq Dansk Folkepartip nunarput pillugu oqaaseqartartua nikuilluini apererusuttatsippaa:

- Arraa. Taava apererusuppunga: 4 milliardit koruuningajannik Kalaallit Nunaannut ukiut tamaasa nasiussisarneq nunap allap ilumini susassaqarfiinut akuliunnerua? Taamaappat nassiussissaaginnarsinaavugut, partiip nunatsinnut tunngasuni oqaaseqartartua, Søren Espersen oqarpoq.

Taassuma Venstre, Liberal Alliance konservativellu peqatigalugit apeqquteqaat aallaavigalugu poqallinnissaq siunnersuutigaa.

Tassami Nunatta Karsia siorna natsorsuutaanngitsumik amigartooruteqarujussuarpoq, 250 millionit koruuniunissaat ilimagineqartumik.

 

Aatsitassarsiornissarsuaq suli utaqqivarput

Kalaallit danskillu piginneqatigiiffiat Greenland Contractors Amerikamiut Pituffimmi sakkutooqarfiani sullissiunnaassasoq ilimanarluinnarpoq.

Kiisalu aamma Nunatsinni suliffissarsiortu iluaqutissaannik sullittorsuaqalernissaanut aningaasaliisussanik amigaateqarpugut.

Nick Nielsen isumaqarpoq taama ajortiginngitsoq:

- Naak aninagasaqarnermi unammilligassaqaraluaqaluta isumaqarpunga aninmgasaqarnerput siunissami pitsaasumik ingerlassinaagipput, Nick Nielsen taama oqarpoq.

Johan Lund Olsenili isumakulunneruvoq.

Aamma atuaruk Johan Lund Olsenip Folketingemi oqaaseqaat

- Oqaatigisariaqarpara, isumaqatiginngilara. Tassami ilisimaneqartutut, ukioq 2014 naalersoq tamatsinnut tupaallannaqisumik nalunaarutigineqarpoq, Nunatta Karsia annertugaatsiartorsuarmik amigartooruteqassasoq, Johan Lund Olsen taama oqarpoq nangillunilu :

- Pissutsit piviusut qiviartariaqarput taakkulu aallaavigalugut aallaavigalugit aamma iliuseqartoqaratriqarluni, Johans Lund Olsen oqarpoq erseqqissarlugulu, Greenland Contractors Amerikamiut Pituffimmi sakkutooqarfiani sullissiunnaassasoq ilimanarluinnartoq.