Nunatta aallartitai immikkut isigineqalissapput

januaarip 04-at 2005 13:14

Nunani allani danskit aallartitaqarfiini savalimmiormiut kalaallillu pisortatigoortumik aallartitaat immikkut isigineqalertussanngorput.

Erseqqissumik nassuiaatigineqassaaq, aallartitat nunanit aggerfimminnit malerugassaqassasut, nunanut allanut ministereqarfimmiit maleruagassiuunneqaratik.

Tamanna annikitsunnguugaluarluni nunanut allanut naalakkersuinikkut sunniuteqarneruleriartornermut pingaaruteqarpoq.

Danmarkip Savalimmiullu januaarip ingerlanerani isumaqatigiissusiartik atsiussavaat.

Danmarkip Kalaallit Nunaatalu isumaqatigiissusiaat suli naammassinngilaq.

Kalaallit Nunaat Savalimmiullu immikkut naalagaaffiunnginamik, nunani allani namminneq aallartitaqarsinnaanngillat. Periarfissat pitsaaqutillu assigiinngitsut pissarsiffiginiarlugit, kalaallit savalimmiormiullu EU-mi danskit aallartitaqarfiani sinniisuutitaqarput.