- Savalimmiormiut Islandimiullu namminneq immikkut akiligassatik akilertarpaat, taamaasillunilu sapaatip akunneranut ataasiarluta angallassisinnaanngorluta, Royal Arctic Linep pisortaanera Verner Hammeken oqarpoq.Assi: Jacob Strøm/RAL

Nunatsinnut assartuisarnerit RAL-ip amerlisarusukkai

Nunatsinni niueqatigiinneq ajornannginnerulertinniarlugu Royal Arctic Linep Nuup Danmarkillu akornanni angallassisarnerit amerliniarpai. Tamannalu iluatsissaguni umiarsuarnik nutaanik sanasoqartariaqarpoq Aalborgimilu umiarsualivimmut isumaqatigiissut atorunnaartinneqartariaqarluni.

- Savalimmiormiut Islandimiullu namminneq immikkut akiligassatik akilertarpaat, taamaasillunilu sapaatip akunneranut ataasiarluta angallassisinnaanngorluta, Royal Arctic Linep pisortaanera Verner Hammeken KNR-imut oqarpoq.

Taanna naapertorlugu umiarsuaatileqatigiiffiup iliuusissatut pilersaarutaa nutaaq, Aalborgimi umiarsualiviup aallaavittut umiarsualiviujunnaarnissaanik ilaqartoq, Nunatsinni suliffeqarfinnut innuttaasunullu pitsanngorsaassaaq.

Aamma atuaruk RAL: Sikuki aallaavittut umiarsualivinngussaaq

Royal Arctic Line islandimiut umiarsuaatileqatigiiffiat Eimskip suleqatigalugu Danmarkip Savalimmiut, Islandip Nunattalu akornanni assartuisartussanik umiarsuarnik nutaanik sananiarpoq. 

Assartueriaaseq pisariillisarniarlugu Aarhusimi umiarsualivik Danmarkimi qitiusumik umiarsualivinngussaaq.

- Nutaaliamik sullariffiunerusumillu, nunarsuullu sinneranut attaveqarluarnerusumik, soorlu umiarsuarnik Kangianukartartunik sullissisinnaasunik umiarsualivinnik atuerusuppugut, Aalborgimilu taanna periarfissaanngilaq, Verner Hammeken oqarpoq.

Aamma atuaruk RAL-ip Aalborgimiikkunnaanera inuussutissarsiornermik eqquisinnaavoq

Naak Royal Arctic Line Aalborgimi umiarsualivimmut 2022-p tungaanut isumaqatigiissuteqaraluarluni assartuisarnini 2019-ip aasaanerani unitsikkusukkaluarpaa.

Taamatullu pilersaaruteqarnerat pissutigalugu 200 millionit koruuninik taarsiiffigineqarnissaq piumasaqaatigalugu eqqartuussivimmut suliassanngortinneqassasoq Aalborgip umiarsualiviata sioorasaarutigaa.

Aamma atuaruk Aalborgip umiarsualiviata Royal Arctic Line tatiniarsarigaa

Aamma atuaruk RAL: Nalunngilarput Aalborgip umiarsualivianut tusarluarnerunngitsoq

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!