Nunatsinni assilisanik Berlinimi saqqummersitsisoqartoq
Soorlu aamma nannut sikup aakkiartornera pissutaalluni uumaffigisaasa annikilliartornerat aamma takutinneqakkajulluni. Tassa nunarsuarmi qeqertat annersaannut atatillugu assersuutigalugu Tysklandimi innuttaasut takusartagaat.
Tyskilli nunarput pillugu isumaat maanna allanngortinniarneqalerpoq. Assimmi nunatsinneersut Tysklandip illoqarfiisa pingaarnersaanni maanna saqqummersinneqalerput, Greenland's Future Generationimik taallugu Danmarkip Tysklandimi Berlinimi aallartitaqarfiani saqqummersinneqaleruttorlutik. Aallartitaqarfik tusagassiuutinut taama ilaatigut allaaserisaqarpoq.
Assiliisartup Tysklandimeersut Sven Zellnerip nunatsinni assilisimasai saqqummersinneqarput.
Pissutsit Kalaallit Nunaanni atuuttut piuviusut Greenland's Future Generationimi takutinniarneqarput, pingaartumik meeqqat inuusuttullu Nuummi inuunerat takutinniarneqarluni. Danmarkip Tysklandimi aallartitaqarfia tusagassiuutinut nalunaarummi taama allaaserisaqarpoq.
Assinik saqqummersitsineq februaarip ulluisa 13-ianni ammarneqarpoq, filmiliortartut nunatsinneersut aamma peqataatinneqarlutik. Assimmi filminik nittarsaassinersuarmi Berlinalemi saqqummersinneqarput, apriilillu tungaanut takuniarneqarsinnaallutik.
