Nunatsinneersunik ajunaarnersuaqarfimmiittunik paasisaqarusupput

Namminersornerullutik Oqartussat nalunaarutigaat nunatsinni innuttaasut Asiami ajunaarnersuaqarfimmi ilaqutaqarpata nunanut allanut pisortaqarfiup nunanut allanut ministereqarfik attavigisinaagaa.

Nunanut allanut ministereqarfik Thailandimi ikiuigasuarsinnaasumik aallartitaqarfiliorneratigut danskisut innuttaasusillit attaviginiartussaavai kinaassuserniartussaallugillu.

Namminersornerullutik Oqartussani nunanut allanut pisortaqarfimmi nunatsinni innuttaasut qanoq amerlatigisut ajunaarfimmiinnersut ilisimanngilaa, taamaammat nunatsinni ilisimannittoqarpat pisortaqarfimmut attaveqarsinnaapput.

Nunatsinni innuttaasut Danskisut innuttaasuseqarmata immikkut nunatsinni nalunaarsugaanngimmata kikkut nunanut allanut angalanersut ilisimaneqartanngitsoq

nunanut allanut pisortaqarfimmeersoq Inuuteq Holm Olsen oqarpoq. Taanna aamma oqarpoq sapinngisartik naapertorlugu nunatsinnersut ikiorniarneqassasut.

Nunanut allanut pisortaqarfiup oqarasuaataata normoraa 34 50 00.