Nunat imavissuarmi qarsunneqarsinnaapput
Nunarsuarmi nunat silaannaap kiatsikkiartornera killilersimaarniarlugu iluatsissagaluarpassuk, nunarsuarmi nunat annertuut imavissuarnit qarsunneqarsinnaanerat qulakkeerneqanngilaq, nutaarsiassaqartitsivik Ritzau taama allaaserisaqarpoq.
Allattoq Ritzau
juulip 10-at 2015 14:23
Nutserisoq Jaaku Lyberth
Piffissaq ungasinnerusoq eqqarsaatigalugu imaq meterit arfinillit sinnerlugit qaffassinnaasoq misissuinerup tamanna takutippaa, atuagassiaq Science taama allaaserisaqarpoq.
Kisianni tassa uagut imaluunniit ernuttatta tamanna misiginavianngilaat.
Ukiut hundredelikkaat qaanngiuppata, Florida imaluunnit Bangladesh immap ataanilersinnaapput.
Aqaguagu tamanna pinavianngilaq, Andrea Dutton Floridami Universitetimeersoq oqarpoq, taanna ilisimatuussutsikkut allaaserisamik allaaserinneqataavoq.
Ilisimatuut misissuinerminni innersuussutigaat, Kalaalllit Nunaanni aamma Sikuitsoq kujallermi sermeq annertooq ukiut kingullit 3 milliuunit aakkiartorusaarsimavoq, ullumikkullu pissutsinut assingulluni.
