Nunat Avannarliit Nuummi kulturisioqatigiinnerat 2015

Nunat Avannarliit Nuummi kulturisioqatigiisitseqqaalerpata qitinnerit, nipilersornerit, saqqummiinnerit allarpassuillu misigisaqarfigisinnaavatit.
NAPA
Assi © : Knr
oktobarip 12-at 2015 16:21

Nunat Avannarliit Nuummi immikkoortortaqafiata siullermeerluni Nunat Avannarliit kulturisioqatigiinnerat 2015 aaqqissuuppaat.

Nuummut tikeraat eqqumiitsuliornermik suliallit 100-unit ikinnerunngitsut Nunatsinni piorsarsimassutsikkut aaqqissuussamut taamaattumut siullerpaajusumut peqataajartussapput. 

- Eqquimiitsuliornermi suliaallit 100-t sinnerlugit amerlassusillit peqataassapput. Sumiiffinni ikinnerpaami arfinilinni pisussat katillugit 40-t missaaniissapput. Tassa pisussarpassuaqarpoq ulluni taakkunani arfinilinni, NAPA-mi suliniummi suleqataasoq, Najâraq Egede oqarpoq.

Aamma atuaruk Københavnimi sapaat biilerfiunngitsoq

Pisussat amerlanerit akeqanngillat. Alakkaasullu nunanit avannarlernit tamanit kulturinik misigisaqarsinnaapput.

Nunatsinnut soqutiginnilersitsisoqarsinnaanera nunanilu avannarlermiut ilisarisimaqatigiinnissaat anguniarlugu, festivali uteqqiattunngussasoq aaqqissuussiisut neriuutigaat.

- Nuummi taamatut pisoqartitsineq siullersaassaaq. Neriulluta siunissami pisalerumaartussaq. Nunani avannarlernerni kulturikkut suleqatigiinnerunissaq uani aaqqissuussassami anguniarneqarpoq. Neriuppugullu kinguneqartarumaartoq, Najâraq Egede oqarpoq.

Aamma atuaruk WWF Nuummi allaffittaalersoq

Kulturitta illorsua, Katuaq aaqqissuusseqataavoq. Pisussat assigiinngitsut amerlasuut Katuamiittussaapput. Taallanik atuaanernit meeqqanut tusarnaartitsinerit, Rosa og Rødderne peqataaffigineqarsinnaallutik. Rosa tassa taanna Rouladegademeersoq.

- Assigiinngittumik imaqarput ullut sinnerini. Oktober 22-init 25-inut. Programmi takuneqarsinnaavoq NAPA nittartagaani, Katuap saaffiginnittarfiani aamma nittartagaani, Katuap pisortaa Julia Pars oqarpoq.

arliit Nuummi kulturisioqatigiinneranni aaqqissuisut piumassutsimik suleqataasinnaasunik ujartuipput.

Suleqataanissannut soqutiginnikkuit paasissutissat www.NAPA.gl-imi alakkarsinnaavatit.

Festivaali oktoberip 21-ini aallartissaaq.