Nunarput silaannarmik kissatsitsiartunnginnerusoq

Nunatsinni 2015-imi CO2-mik aniatitsineq allallu silaannarmik kissatsitsiartortartut ukiut 27-t matuma siornamit appasinnerupput. Naatsorsueqqissaartarfiup kisitsisaatai tamanna takuneqarsinnaavoq.

Nunatsinni silaannarmik kissatsitsiartortartumik aniatitsineq, ukiup siulianut sanilliullugu annikinnerulaarluni katillugu 558.000 tonsiuvoq.

Taamaakkaluartorli ukiuni kingullerni nukissamik suli atuisoqarnerugaluartoq 1990-imi silaannarmik kissatsitsiartortunik aniatitsinernit 2015-imi aniatitisinerit 14,4 procentimik appasinneruvoq.

Naatsorsueqqissaartarfik naapertorlugu 1993-imi erngup nukinganik CO2-mik aniatitsitsinngitsumik atuilerneq tamatumunga ilaatigut peqqutaaqataavoq, taannalu nukissamik pilersitsinissamut ikummatissanik atuivallaanngilaq taamaammallu silaannarmik kissatsitsiartortunik atuivallaartoqarunnaarluni.

AAMMA ATUARUK CO2-mik aniatitsineq killilerneqarsinnaavoq matut matullugit innaallagiarlu sipaarlugu

Kissartumik pilersitsiniarnermut uulia gassilu ikuallanneqaraangata silaannarmik kissatsitsiartortunngorluni CO2-nngortortarpoq.

Silaannarmik kissatsitsiartortut silaannarmiiginnartarput nunamilu kissartuulluni. Angerlarsimaffitsinni kiassaagaanngatta silaannarmik kissatsitsiartortumik aniatitsisarpugut, taamaalillutalu nunarsuarmi tamarmi kianneruleriartortitseqaalluta.

AAMMA ATUARUK CO2-mik aniatitsinerput ukiut qulit ingerlanerini annikinnerulersimavoq

Nunarput silaannarmik kissatsitsiartortunik annikillisaanissamut pisussaaffeqanngikkaluartoq naalagaaffiit peqatigiit silap pissusaanut isumaqatigiissutaannut aniatitsinermik ukiut tamaasa naatsorsuusiortartussaavugut, taakkulu nunarsuarmi tamarmi atiatitsinerup qanoq annertutiginera nakkutigaat.

Silaannarmik kissatsitsiartortut allat tassaapput CH4 N20-lu. CH4 nilini nassaarineqarsinnaavoq, N20-lu lattergassini kigutigissaasut atortagaanniilluni.

AAMMA ATUARUK Naalagaaffeqatigiit silap pissusia pillugu isumaqatigiissutit naammassiuminaatsikkaat

AAMMA ATUARUK Silap pissusia pillugu isumaqatigiissusiornissamut Danmark akimmisaartitsisoq

AAMMA ATUARUK Naalakkersuisut silap pissusaanut anguniassamik aallartisaapput

AAMMA ATUARUK Silap pissusia pillugu nunani tamalaani isumaqatigiissutaasoq Nunatta peqataaffiginianngilaa

AAMMA ATUARUK Naalagaaffiit tamalaat silap pissusia pillugu atsioqatigiipput

AAMMA ATUARUK Vittus: Silap pissusia pillugu isumaqatigiissut Nunatsinnut pitsaasuunngilaq

AAMMA ATUARUK Trump isumaqatigiissummit COP 21-mit tunuartoq

 

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!