Nunaqarfinni suliffissaaleqisut amerleriartut
Inuit katillugit 3915-it suliffissarsiortutut januaarimi nalunaarsorneqarsimapput. Taakkunannga 734-t nunaqarfimmiuupput, Naatsorsueqqissaartarfik nittartakkamini taama allaaserisaqarpoq.
Nuna tamakkerlugu ikileriaataasoq taamaalilluni 116-iuvoq, nunaqarfinnili suliffissarsiortutut nalunaarsorneqarsimasut amerleriaateqarsimasut kisitsisini nutaani takuneqarsinnaavoq.
Nunaqarfinni suliffissarsiortutut siorna nalunaarsorneqartut 659-iupput, ukioq mannalu 734-ullutik. Tassalu 75-inik amerleriaateqarput.
Illoqarfinni suliffissarsiortutut ukioq manna januaarip qaammataani nalunaarsorneqartut 191-inik ikileriaateqarput.
Kisitsisitigut paasissutissat uani atuarneqarsinnaapput.
|