Nunaqarfinni mobiilersinnaalissapput
oktobarip 08-at 2004 00:15
Aappagumiit nunaqarfiit 46t GSMi atorlugu mobilinik sianersinnaalissapput. Attaveqaateqarnermut naalakkersuisup Jens Napaattuup nunaqarfimmiut 90%ii mobilikkut sianersinnaalernissaat nalunaarutigaa.
Tele Greenlandip nunaqarfiit 70t sinnerlugit inullit mobilikkut sianersinnaalernissaanik siunnersuutaa Naalakkersuisut akueraat, attaviliinissarlu nunatta karsianit tapiiffigineqassanngilaq. Aningaasartuutit oqarasuaateqarnerusut atuinerisigut amigartoorutissaagaluit matussusertassagaat, naalakkersuisoqarfimmit erseqqissarneqarpoq.
Tele Greenlandip naatsorsuutigaa 2005ip ingerlanerani nunaqarfiit siunniunneqartut 46t amerlanersaat attavilerneqassasut.
