Nunaqarfiit sikummata umiarsuit unipput

Nunaqarfiit tikinneqarsinnaasutut nalornissutigineqareersut taamaammat aamma taamaatiinnarneqarput.

Anguteq Ittuup Qeqertarsuup Tunuani angalanera taamaammat unitsinneqartoq, Royal Arctic Line-ip nalunaarutigaa. Pajuttaatip taartaasutut angalasinnaanissaa aamma nalorninarsiartortoq nalunaarutigineqarpoq.

Taamaalilluni Qeqertarsuarmut Kangaatsiamullu umiarsuarnik piffissami aggersumi angalasoqarsinnaajunnaarpoq. Qasigiannguit misilillugit tikinniarneqassasut umiarsuaatileqatigiiffiup nalunaarutigaa. Tamannalu kingulliugallassaaq.

Pissutsit qanimut malinnaavigineqassapput, umiarsuarmillu periarfissaq siulleq atorlugu angalatitsisoqassaaq.

Ilulissanut Aasiannullu angalanissat suli pilersaarutigineqarput, pissutsilli taamaatillugit ajornartorsiulertoqarsinnaassasoq oqaatigineqarluni.