Kullorsuarmut internetimut attaviit 6 augustili ajoquqaleramik ullumi 22 august aatsaat ajorunnaarputAssi: Royal Greenland

Nunaqarfiit attaveqanngitsut

Nunaqarfiit arlaqartut qarasaasiakkut, TVkut- Radiokkut oqarasuaatitigullu piffissami sivisulaartumi attaveqanngilaat.

Tunumi nunaqarfiit Tiniteqilaaq aamma Isortoq arfininngormalli avammut avataanillu attaveqarsinnaanngillat.

Sakkortusaaviup aqqutaata ilaa ajoquteqalersimavoq tamatumalu kingunerisaanik Tiniteqilaami Isortumilu innutaasut

radiomik tusarnaarsinnaanngillat, TV-ikkut isiginnaarsinnaanatik aamma oqarasuaatitigut angallattakatigullu attaveqarsinnaanatik.

AAMMA ATUARUK Mobilinut attaveqaatit tamaasa qamikkallanngiinnalerput

Tele Post KNR-imut ilisimatitsivoq, Telemi teknikerit sakkortusaavimmik iluarsaassisussat sakkortusaavimmut apuussinnaanngitsut silap ajornera pissutigalugu timmisartuutileqatigiiffiup Air Greenlandip helikoterii angalasinnaannginnamik.

Tele Postimit ilimatitsissutigineqarpoq, sila angallavigineqarsinnaalerpat, oqarasuaatinut, mobiilinut, qarasaasianullu attaviit iluarsiniarneqarumaartut taamatullu radio tusarnaarneqarsinnaalerluni taamatullu TV isiginnaarneqarsinnaalerluni.

AAMMA ATUARUK Tele-Postip ajoqut paasivaa

Kullorsuarmi innutaasut TELE-p attaaveqataasa ajoquteqarnerat pissutaalluni eqqugaapput. Aggustip ulluisa arfineq aappaannili qarasaasiakkut attaavik Kullorsuarmut ajortippoq kipisaqattaarluni.  TELE Postimit nalunaarutigineqarpoq qarasaasianut attaavik ullumi marlunngornermi ajorunnaarsimasoq.

Kullorsuarmut attaviit ullumimut ajoquteqarnerat pissutigalugu, innutaasut e-mail-ikkut nassitsisinnaanngilat imaluunniit Pilersuisumi aningaasanik tigusisinnaanatik.

Tamatuma kingunerivaa, Kullorsuarmi Pilersuisoq Aappilattumi Pilersuisumut attaveqartariaqarpoq innuttaasut aningaasanik tigusiniartillugit,  tamannalu piffissamik atuiffiusartoq, Anna Nielsen Kullorsuarmi Pilersuisumi sulisoq oqarpoq.

AAMMA ATUARUK Immap naqqatigut kabeli tallilerneqalersoq

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!