Assi: Aviâja Madsen

Nunanut allanut unammisartut sungiusaasuat: Futsalertartunut pilersaarutit annertupput

Nunatta illup iluani isikkamik arsaattartut nunanut allanut unammisartuinut pilersaarutit annertupput. Nunat allanut unammisartut sungiusaasuat Tekle Ghebrelul taama oqarpoq.

Nunatsinni timersortarfiit eqqarsaatigalugit illup iluani arsaattarneq piorsaavigineqarsinnaasunut piukkunnarnerpaavoq. Ghebrelul, sungiusaasoqatini Rene Olsen peqatigalugu Kalaallit Nunaanni isikkamik arsaattarneq nalilersoramikku taama inerniliipput:

- Timersuutit assigiinngitsut qimerlooratsigit futsalip ineriartortinneqarnissaanut periarfissat pitsaanerpaasut qularutiginngilarput, sioqqanimmi maanna arsaannerusarpugut, ilaatigullu qiianarsinnaasarluni. Qulisanik arsaattarfeqanngilagut, assigisaanilluunniit, Tekle Ghebrelul oqarpoq.

Nunanut allantu unammisartut ineriartortinneqarnissaannut periarfissaqarluartoq aallaqqaammulli takusinnaasimagitsik, taassuma oqaatigaa. Taama arsaattarnermik sungiussinnaassapput, arsariaatsinillu sungiussisariaqassallutik, minnerunnngitsumillu sungiusarnerusalertariaqarlutik.

Aamma atuaruk  Futsalimik unamminermi Nunatta Danmark ajorsartippaa

- Inernerit maanna takusinnaalereerpavut, angusaqarluarusussuserpullu annertuseriaannarluni. Nunatta nunat tamalaat isikkamik arsaattartut kattuffissuannut FIFA-mut, Europamilu kattuffissuarmut UEFA-mut ilanngussinnaanisssaa sulissutigaarput, tassani ingerlalluarsinnaanissarput aamma takutikkusullutigu, Tekle Ghebrelul oqarpoq.

Futsalertarnerup nalinginnaasumik arsaattarnermut naleqqiullugu pingaarnerunngitsoq Tekle Ghebrelulip erseqqissaatigaa, assersuutigaluguli timersortarfiit atorneqarsinnaasut periarfissagissaarnerutitsisut oqaatigalugu:

- Ivigaqarnerulernissaa qulisimasumilluunniit arsaattarfeqalernissaa utaqqiinnarsinnaanngilarput. Immaqa ssanasoqarumaarpoq, immaqaluunniit sanasoqarniarnani, Ghebrelul oqarpoq.

Aamma atuaruk Futsalertartut Danmarkimut ajugaallutik nuannattut takukkit

Nunatsinni isikkamik arsaattartut arsaattarfinnik ivigaaraasalinnik arsaattarfinnilluunniit qulisimasunik periarfissaqarnerulernissaat taassuma politikerinit ujartorpaa.

- Isumaqarpunga tamanna eqqummaariffiginerulertariaqaraat, iliuuseqafigalugulu, nunanut allanut unammisartut sungiusaasuat Tekle Ghebrelul oqarpoq.

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!