Timersorneq

Nunanut allanut unammisartut semifinalimi USA-mut ajorsartut

Assammik arsarluni nunanut allanut unammisartut arnartai NORCA-mi pissartanngorniunnermi semifinalimi USA-mut 18-20-mik ippassaq ajorsarput.

Allattoq Karsten Sommer

apriilip 03-at 2017 09:16

Nutserisoq Ivik Kristiansen

Taamaalillutik Amerikap nunavittaani unammersuarnernut anngunniarunik, den Dominikanske Republikkimut unnugu broncennanniunnermi ajugaasariaqarput.

Iligiimmi pingasut angusarissaarnerpaaginnaat anngutissapput.

Sermitsiaq.AG taama allaaserisaqarpoq.

Nunanut allanut unammisartut pissartanngorniunnerni sisamariarlutik unamminerminni taamaasillutik ajorsarput.

Amerikalli nunavittaani unammersuarnernut suli anngussinnaapput.

Sungiusaasorlu, Johannes Groth, unammineq kingulleq sioqqullugu suli isumalluarpoq.

- Den Dominikanske Republikkimut ajugaalluta amerikap nunavittaani unammersuarnernut anngutissaagut, Johannes Groth Sermitsiaq.ag-mut oqarpoq.