Nunanut allanut unammisartut PanAm-imut anngutinngitsoortut
Kalaallit Nunaata Den Dominikanske Republikimut 32-27-mik NORCA-mik taallugu Puerto Ricomi unammersuarnerni ajorsareersullu tamanna paasinarsivoq.
Holdit taakku marluk kingullermik naapikkamik kalaallit målinik pingasunik taamanikkut ajorsarput, ajorsarnerlu akiniarniaraluarpaat iluatsinnaguli.
Kalaallit nunanut allanut unammisartui NORCA-mi unammersuarnerni arfinileriarlutik ajorsarnertik pillugu normu 4-tut inissipput.
Den Dominikanske Republik NORCA-mi unammersuarnerni bronzinnapput, USA siilvinnattoq Puerto Ricolu kuultinnattut.
NORCA-mi bronzinnanniunnermi Lykke Frank Hansen kalaallini isertitaqarnerpaavoq arfinilinnik isertitaqarami, kalaallinilu kisiartaalluni NORCA-mi unammersuarnerni All Star-holdimut toqqarneqarluni.
- Isertitsinissamut periarfissat atorluaqqinngitsoorpavut, nunanut allanut unammisartut sungiusaasuat Johannes Groth oqarpoq.
- Ajugaasimasinnaagaluarpugut, misilittagakinnerpulli matumani immaqa pissutaalluni angusarissaarpallaanngilagut, sungiusaasoq Groth oqarpoq.