Nunanut allanut unammisartut Island unammileraat

Nunatta assammik arsarlutik nunanut allanut unammisartui Islandimi sungiusaatigalutik sapaatip akunnerani matumani unammigialerput.
Assi © : Grønlands Håndbold Forbund
Allattoq Mads Pedersen
januaarip 09-at 2017 14:30

Nunatta nunanut allanut unammisartui ulluinnarni Danmarkimi Nunatsinnilu assammik arsartartut januaarip qeqqani Islandimut sungiusariarlutik tikeraassapput. Islandimi pingasoriarlutik unammissasut Sermitsiaq.ag allaaserisaqarpoq. 

Sapaatip akunnerata naanerani kalaallit nunanut allanut unammisartui ulapilaavissagunarput. Tassami Islandip nunanut allanut unammisartuisa B-holdii tallimanngorpat januaarip 13-anni arfininngorpallu 14-ianni unammissavaat. Sapaatiuppallu klubbi  Stjarnan unammissallugu. 

Unamminerit tamarmik TM Hôllin i Reykjavikimi pissapput.

Nunanut allanut unammisartut ilisimaneqarluartut Akutaaneq Kreutzmann, Angutimmarik Kreutzmann aamma Minik Dahl Høegh unammigiani 15-usuni ilaapput. Niels Møller sungiusaasuussasoq, Sermitsiaq.ag allaaserisaqarpoq. 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq