Assi: GBU

Nunanut allanut unammisartunut sungiusaasoq GM-ertoqarnerani piginnaanilinnik maluginiagaqartoq

Futsalimik nunanut allanut unammisartut sungiusaasuata, Tekle Gebrelulip futsalimik GM-ertoqarnerani unamminerit pitsaassusaat nuannaarutigai. Nunanullu allanut unammisartussanik nutaanik piukkunnartussarsiorsimalluni oqarpoq.

Futsalimi ukioq manna GM-ertoqarnissaanut sungiusarnerit sukataarutigineqarsimapput, tamannalu unamminermi takuneqarsinnaasoq, nunanut allanut unammisartunut sungiusaasoq oqarpoq.

- Takusartakkatsinniit unammisartut ukioq manna pitsaanerusut sungiusarluarsimasullu takuagut, nunanut allanut unammisartunut sungiusaasoq, B67-imullu N48-mut Ilulissaneersunut ajorsartunut sungiusaasoq, Tekle Gebrelul oqarpoq.

Taassuma nunanut allanut unammisartussanik nutaanik piukkunnartorsiornissamut sapaatip akunnerata naanera atorpaa, nunanullu allanut unammisartunut sungiusaasup allattuivimminut unammisartoq ataaseq arlalippassuarnik ajunngilluinnartunik nalunaaqutsersimavaa; tassalu Charles Petersen Aasianni T41-imeersoq.   

- Maluginiangaatsiarpara. Angutaavoq inuusuttoq, futsalimik unammilluartorujussuuvoq, periaasigissaarpoq eqqissisimalluarlunilu, Tekle Gebrelul oqarpoq.

AAMMA ATUARUK N48 løb med guldet

Nunanut allanut unammisartup allattuiviani nunanut allanut unammisartunngorsinnaasunut allattorsimaffimmut unammiuaarnerni isertitsilluartoq, Bent Pivat K-64-imeersoq aamma ilanngunneqarpoq.

- Nunanut allanut unammisartut holdiini nutaanik unammisartoqalernissaa ajunngitsorujussuusinnaavoq. Sivisuumillu arsaattartuusimasut maanna takusinnaalissavaat inuusuttut piukkunnarluartut nunanut allanut unammisartunut ilaalersinnaasut, Tekle Gebrelul oqarpoq.

Futsalimik Nunatsinni Pissartanngorniunneq 2017: Finale B-67 vs N-48 09.04.2017

 

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!