Nunanit allanit pisinikinnerulerpugut avammullu tunisaqarnerulerluta
2014-imi nioqqutissanik avammut tunisineq 3 milliardit koruunit qaangilaarpai, tassa avammut tunisat 3,028 milliardit koruuniugamik. Avammut tunisat ukiup siulianut naleqqiullugu taamaalillutik 277 millionit koruuninik amerlisimapput.
Avalaasartuunik qaleralinnillu isertitaqarneruneq matumani pissutaanerpaasoq Naatsorsueqqissaartarfiup allaaseraa.
2014-imi nunat allat nioqqutissiaannik Nunatsinnut eqqussuineq 2013-imut naleqqiullugu aamma appariarsimavoq. Tassa nioqqutissianik nunanit allaneersunik Nunatsinnut eqqussuineq siorna 2014-imi 2013-imut naleqqiullugu 310 millionit koruuninik appariarsimagami.
2010 -2.600.225.000
2011 -2.714.329.000
2012 -2.213.198.000
2013 -1.864.494.000
2014 -1.276.815.000
Ikummatissat taakkunanngalu tunisassiat eqqussorneqarnerisa annikillinerat pissutaanerpaasoq Kalaallit Nunaanni Naatsorsueqqissaartarfiup nalunaarutigaa. Tassa 2014-imi ukiup siuloianut sanilliullugu nioqqutissianik ikummatissaneersunit eqqussuineq 204 millionit koruuninik appariarsimammat.
Kisitsisit qulaani taakkartoriikkavut aallaavigalugit oqaatigisinnaavarput niuernermi oqimaaqatigiissutsip amigartoorfiunera 588 millionit koruuninik 2013-imit 2014-imut annikilleriarsimammat.
