NunaMinerals A/S-ip siunissaa ullumi aalajangiiffigineqassaaq

Aatsitassarsioqatigiiffimmi ilungersunartorsiorfiusumi NunaMineralsimi, ualeru immikkut ittumik ataatsimeersuartoqassaaq, tassanilu ingerlatseqatigiiffiup siunissaa aalajangiiffigineqassagunarpoq.
Allattoq Karsten Sommer
januaarip 29-at 2015 06:25
Nutserisoq Simon Uldum -

NunaMineralsimik piginneqataasut annersaata, Namminersorlutik Oqartussat, NunaMineralsip ingerlatseqatigiiffiup ingerlariaqqinnissaanut pilersaarutinik tigussaasunik Namminersorlutik Oqartussanik saqqummiussaqarsimannginnerarlugu marlunngormat isornartorsiorpaa.

Naalakkersuisut siulittaasuata, Kim Kielsenip Siumumeersup, ingerlatseqatigiiffiup siunissaq pillugu pilersaarummik nutartikkamik Namminersorlutik Oqartussanut tunniussaqarsimannginnera "ajuusaarnartutut uggornartutullu" oqaatigaa.

AAMMA ATUARUK Nunaminerals nalikillileerujussuarnermigut ilungersunartorsiorluinnalersoq

NunaMineralsili, ingerlatseqatigiiffiup pisortaa Ole Christiansen naapertorlugu, NunaMinerals piffissami 2015-imit 2017-imut ingerlariaqqinnissaanut pilersaarut Namminersorlutik Oqartussanut 2014-imi oktobarip qaammataani nassiussimavaa, Sermitsiaq.AG taama allaaserisaqarpoq.
 
- Tallimanngornermi oktobarip 17-anili 2014-imi ukioq 2015-imiit 2017-imut pilersaarupput Namminersorlutik Oqartussanut nassiupparput. Pilersaarummi tassani allaaseraarput suut anguniarnerigut, kiisalu suliassariumaakkatsinni aningaasat pisariaqartitagut allaaseralugit, taama Nunamineralsip pisortaanera Ole Christiansen Kim Kielsenimut akissuteqarpoq.

AAMMA ATUARUK NunaMinerals februaarimi matoriaannaavoq

Kim Kielsenip saassussinera, aamma ingerlatseqatigiiffimmik aqutsilerluttoqarneranik imaqartoq, taamaasilluni ilumuunnginnerarpaa.
 
- Kinaluunniit suliffeqarfiup kvartalikkaartumik nalunaarutaanik Nunamineralsip nittartagaanut aallersinnaavoq, Ole Christiansen Sermitsiaq.AG-mut oqarpoq.

LÆS OGSÅ Nunaminerals kan lukke til februar