Nunakkoorutit aqqutissaat akuerineqarnissamut piareertoq
Qeqqata Kommuniata illoqarfiit taakku akornanni nunakkoorutit assakaasullit ingerlaffigisinnaasanik pilersaarutaanut tusarniaanernik nassiussinissaq ullumi ullup qeqqanut killeqarpoq.
Nunakkoorutit aqqutaat kingusinnerusukkut aqqusinniuvinneqarsinnaanissaat aamma pilersaarutaavoq.
Maannakkullu kommunimi politikerit tusarniaassutinik nalilersuinissaat pilersaarummillu akuerinissaat amigaataavoq.
Tusarniaasoqarneranut atatillugu aqqusinniornissamut tapersiisut facebookimi quppernermit ”siuariartornissamut aqqummit” pilersaarummut tapersiillutik atsiorsimasut, 194-it Qeqqata Kommunianut nassiunneqarput.
AAMMA ATUARUK Kommuni nammineerluni ATV-nut aqqusiussasoq
Aqqusernup piviusunngornissaa aqqutissaviusoq aammattaaq periarfissarpassuarnik ilaatigut takornariaqarnerup ineriartortinneqarnissaanik pilersitsissasoq, kommunip borgmesterertaavata Malik Berthelsenip KNR-imut siusinnerusukkut oqaatiginikuuaa
Partiip illuatungiliuttup Atassutip periarfissat aamma takusinnaavai aningaasartuutissalli 400-500 millionit koruunillu akornanniissinnaanerat ernummatigalugu
AAMMA ATUARUK Atassut vil undersøge mulighederne for ny vej
