Nunaga inuilu: Ullaakkut radiokkut aallakaatittagaq nutaamik atitaarpoq
Paasissutissat nuannersut, tusarliukkumasat, tusarusunnaqaat taamaammat arlaannik piukkussaqaraangassi, soorlu aqagu ullaakkut aamma ilanngunneqarsinnaasunik taava sianersinnaavusi nalunaaqutaq 08:00-miit uunga: 361562
Ullormut oqaatsinik eqqarsarnalaarsinnaasunik tusarliisarniarpugut ullut tamaasa. Ullumikkut ulloq eqqarsaatissiissutaasinnaasumik naatsunnguamik siullermeersumik ilanngussivugut, siullerlu imaappoq:
”Inuunermi sapiillinavianngilatit ilungersunartunik aqqusaagaqanngikkuit, kukkusanngikkuit ilikkarnavianngilatit, iluatitsinngittoornerlu misigisimanngikkukku torrallaanaviarnak.”
Ilanngutassiortut, nuna tamakkerlugu ilanngutassiortartugut, aamma attavigineqartassapput. Ilanngutassiortoqarfiginngisagullu assut kissaatigigaluarpagut piukkunnartoqarunik KNR-imut saaffiginneqqullugit.
Nunaga inuilu marlunnik immikkoortoqarpoq. Nipilersukkanik akunniliisarluni.
Uanilu aallakaatitassiami siullermi radiokkut aallakaatitassiat ukiarnerani allanngorneri pillugit paasissutissillutillu nassuiaapput, ataani tusarsinnaavatit.
