Nuna sajummat inuit 6621-t ajunaarput
Europameersut inuit tusintit, pingaartumik takoranariat, Nepalimi nunap sajunnerata kingorna suli maqaasineqarpoq, Katmandumi EU-mit aallartitat aqutsisuat ajunaarnersuup kingorna sapaatip akunneranngulersorlu taama oqarpoq.
- Sumiinnersut sumiissinnaaneralluunniit naluagut, Ambassadøri Rensje Teerink oqarpoq.
Takornariat tikeraartut
Ilanngullugu oqaatigaa, EU innuttaasut aqqaneq marluk Nepalimi nunap sajunnerata kingorna ajunaarnerat qulakkeerneqartoq.
Taassuma ilimagaa, maqaasineqartut amerlanerit nunap ilaani Langtangimi Luklamilu takornariat maqaasineqartut.
Langtrang katmandup avannaata tungaaniippoq pisuttuartarfiusoq, aputip nunallu sisoorneranit eqqugaasoq.
Ajunaartut 6621-t
Pisortatigoortumik arfininngormat siuliani nunap sajunnerata kingorna inuit 6621-t ajunaartut paasineqarpoq, 14.000-llu aqqunartiterput.
Nunap sanilerisaanni Indiami Kinamilu aamma inuit 100 missaanniittut nunap sajunneranit ajunaarput.
Nepalimi inunnik annaassiniaaneq suli ingerlanneqarpoq, annassimasinnaasunillu nassaarnissamut piffissaq ingerlanerata neriuutit nungukkiartorpaat, ajunaartullu amerleqqinnissaat ilimagineqarluni.