Nukissiorfiit qaammatini arfineq pingasuni direktøreqarsimanani nutaamik pisortartaassaaq
Kaspar Mondrup Nukissiorfinni nukissiornermut pisortatut Naalakkersuisut toqqarpaat
Kaspar Mondrup Ingeniøritut ilinniarsimavoq aamma Teknologii, Niuffaffiit Aaqqissuussinerlu pillugit MBA-tut allagartaqarluni. Kaspar Mondrup Sonlinc A/S-imi pisortaanertut atorfeqarpoq.
- Nukissiorfiit ilisimavara, aammalu Nuummi / Kalaallit Nunaanni attaveqarfigisakka annertupput, avannaani qeqqanilu alliartorsimagama, tamaani 1972-imit 2019-imut najugaqarlungalu aalajangersimasumik attaveqartuusimavunga, Kaspar Mondrup tusagassiutinut nalunaarummi allappoq.
Uuliamik mingutitsisoqarnerata kingorna direktøreqanngilaq
Nukissiorfimmi Nukissiornermut pisortaasimasoq Michael Pedersen atorfimminit septembarip 30-ani soraariasaarneranit atorfik aatsaat inuttaneqqippoq.
AAMMA ATUARUK Nukissiorfiit pisortaanerat ingerlaannartumik pisortaajunnaartoq
Taamani Uummannami nukissiorfimmi sulisup ilaannit imeq uuliamik akuneqarnerata kingunitsianngua pivoq.
Qaammatit marluk sinnerlugit imeq salinneqarpoq.
Suliffeqarfik Nukissiorfiit Kasper Mondrup maanna akissussaaffigilertusssavaa, tassani suli paasiniarneqarpoq, Uummannami erngup uuliamik akuneqarluni mingutsinneqarnerata kingorna kikkunnit akilerneqassanersoq.
Michael Pedersen tassanngaanartumik suliunnaarnerata kingorna, Nukissiorfimmi aningaasaqarnermut pisortaq Claus Anders-Aagaard Nukissiorfimmi Nukissiuutinut pisortaagallarpoq.
