Aasianni politeeqarfikAssi: Google Street view

Aasiaat Nukappiaraq qulingiluanik ukiulik ipilluni ajunaarpoq

Nukappiaqqap qulingiluanik ukiullip Aasiaat eqqaanni nalunnguariarnera alianartumik ippassaq kinguneqarpoq, Aasianniit kangimut kujasissortaani tatsimi Ujaralimmi ipilluni ajunaarami.

Kalaallit Nunaanni Politiit tusagassiuutinut nalunaarummi taama allaaserisaqarput.

Politiit Ujaralimmi ajutoortoqarsimanera pillugu ippassaq ualikkut nalunaaqutaq ataatsimut kalerrinneqarput.

Politiit, ambulancit qatserisartullu ajutoortoqarfiup nalaanukartinneqarput, tassanilu ikiueqqaartoqarluni. Nukappiaraq kingorna Aasiaat napparsimmaviannukaanneqarpoq.

Nukappiararli toqusimasutut ippassaq ualikkut sisamat missaanni nalunaarutigineqarpoq.

Nukappiaqqap ilaqutai ilisimatinneqareerput.

Tatsimi Ujaralimmi alianartumik ajutoortoqarnerata malitsigisaanik ajunaartoqartoq, Kalaallit Nunaanni Politiit misissuinerisa takutippaat.

Sukumiinerusumik aamma misissuisoqassaaq, ajutoortoqarnerani qanorpiaq pisoqarsimanersoq paasiniarneqassalluni.

Meeqqat nalukkiassagaangata inersimasumik nakkutilliisussamik ilaqartarnissaat politiit ilanngullugu kajumissaarutigaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!