Norgemi nunami eqqissisimatitami tuttut 322-t toqungasut siumorneqartut
Norgep ilaani Hardangerviddami nunami eqqissisimatitami nakkutilliisup sulinerminut atatillugu ippassaq sapaammi misigisani puigorallarnaviarunanngilaa.
Allattoq Ritzau
aggustip 29-at 2016 06:57
Nutserisoq Mads Lynge
Tuttummi toqungasut 322-t Telemarkimi siumorsimavai.
Tuttorpassuit toqungasut taakku nunap eqqissisimatitap kujasissortaani siumorsimavai.
Tuttut pineqartut silarlunnerata nalaani toqusimanissaat ilimagineqarpoq, Hardangerviddami nalaani ippassaq kallerpoq.
Tuttut ataatsimoorniartuupput, silarlulermallu ataatsimoornerisa nalaanni kallilersimavoq tassanilu tassa kallernerani eqqorneqarsimagunarlutik.
Tuttutassiissutit tamanna pissutigalugu Norgemi pinngortitamik nakkutilliisoqarfimmit ikinnerulersinneqarumaartut maanna ilimagineqarpoq.
/ritzau/
