NMT-t ulorianarsinnaasut
Nunatsinni NMT-mobilit suli atugaasorujussuupput, pingaartumik aalisartut piniartullu akornanni isorartunermut attaveqaataasinnaammata atorneqartarlutik.
Maannali oqarasuaatit angallattakkat NMT-t atorpallaaranni siutinut peqqinnarneq ajornerat, Sverigemi misissuisimanerup takutippaa.
Oqarasuaatit angallattakkat maligaasaannik inuit ukiut qulit ingerlanerini sunnertissimanerisa misissorneqarnerata takutippaa, maligaasat siutit sianiutaannik tinusoortitsisinnaasartut.
Tsillanneq sianertitsinerillu ataannartut siutit sianiutaasa ajoquserneratigut nappaataalersarput.
Misissuinerup takutippaattaaq NMT mobiilit siummut sorlermut tutsittarneri aamma apeqqutaasartoq, tassami siutip illua aalajangersimasoq oqaluussinermi atortaraanni sianiutinik ajoquteqalernissaq sisamariaammik ilimanarnerulersarpoq.
Stockholmimi misissuisarfimmi Karolinska Institutimi misissuineq NMT-nut taamaallaat sammitinneqarsimavoq, GSM-inut sammitinneqarani, taamammi sivisutigisumik GSM-it atorneqarsimanngimmata.
