Niviarsiaraq Nuummi biilinik aportittoq
Niviarsiaraq aqqanilinnik ukiulik ullumi sisamanngornermi biilinik aportissimasoq politiit ilisimatitsipput.
Allattoq Kenneth Elkjær
Niviarsiaraq blok 7 8-llu eqqaani H.J. Rinkip aqqutaani aportissimavoq. Niviarsiaraq anniartoq napparsimmaviliaanneqarsimasoq, Malik Olesen, politiini pigaartuuneq KNR-imut ilisimatitsivoq.
- Suleqatitta niviarsiaraq attavigisimavaat, ajoquserujussuarsimaneranillu takussutissartaqanngilaq, Malik Olesen oqarpoq.
Politiit sisamanngornerup ualigaa ajutoornermik takunnissimasunik apersuileruttorput. Biilini aquttoq, niviarsiaqqamik apuisoq aamma apersorneqartoq tigusaasoqarsimanngitsorli pigaartuuneq ilisimatitsivoq.