Assi: Michael Kaud

Niviaq Korneliussenip atuakkiaa Canadami saqqummertoq

Kalaallip atuakkiaiortup Niviaq Korneliussenip atuakkiaa "Homo Sapienne" Montrealimi qanittukkut saqqummersinneqarmat ilimagisamit nuannarineqarneruvoq.

Niviaq Korneliussenip atuakkiaa "Homo Sapienne" marlunngormat saqqummersinneqarmat atuagaarniarfik inunnik ulikkaarpoq. Naak Montrealimi issikkaluartoq inuit atuagaarniarfimmut iserniarlutik siuleriiaartut imaaginnavipput.

Kalaallit Nunaanni arnat arnaqatiminoortartut atuakkiami qitiupput. Atuakkiaq Canadami USA-milu allaaserineqarmat nersualaarneqartorujussuuvoq, allaammi USA-mi aviisi ullormut saqqummersartoq, ataqqisaasorlu The New Yorker nersualaarinnilluni.

Niviaq Korneliussenip atuakkiaata franskisut saqqummersinneqartussaanera pillugu Niviaq Korneliussen ulluni makkunani Montrealimiippoq. Taassuma saniatigut Quebec Universitymi oqalugiariartorpoq, soorlu aamma naggueqatigiit ilisimatusarfianni Inuit Sivunitsavummi ilinniartut aamma oqaloqatigiartorai.

AAMMA ATUARUK Niviaq Korneliussen nunarsuarmi atuagassiat pingaarnersaanni

Suiaqatiminoortartut inuiaqatigiinni inissisimanerat "Homo Sapienne"-imi sammineqarput, atuakkiarlu Quebecimi soqutigineqaqisoq oqaatigalugu.
Montrealimullu tikilluaqqusaalluarnini Korneliussenip aamma tupigusuutigaa, nuannaarutigalugulu.

Niviaq Korneliussenip atuakkiaa "Homo Sapienne" Canadami franskisut maanna saqqummiunneqarpoq, Frankrigimilu kingusinnerusukkut aamma saqqummersinneqarumaarluni. Atuakkiaq kalaallisut qallunaatullu aamma saqqummersinneqareerpoq, oqaatsinullu allanut kingusinnerusukkut aamma saqqummiunneqassalluni.

Niviaq Korneliussenip KNR-imut aamma oqaluttuaraa kinaassutsimut tunngasumik nutaamik aamma atuakkiulereerluni.

AAMMA ATUARUK Niviaq Korneliussen Aasianni tupaallattoq

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!