Nivi Olsenip raajartassiissutinik allannguinissaq illersorpaa
Demokraatit avataasiortunut sinerissallu qanittuani aalisartunut raajartassiissutinik amerlaqatigiinnik agguaassisalernissamut siunnersuummut akuersaarnerat, Michael Rosingip aamma isornartorsiorpaa.
Pisassiissutilli uterteqqinneqarpata tamanna inuussutissarsiortunut nalornisitsilersinnaasoq taanna isumaqarpoq:
- Naalakkersueriaaseq taama ittoq akuerinngilara. Isumaqarpungalu Demokraatit tamanna illuatungilersortussaagaat. Kisianni taava ilalerpaat, taamaattussaanngillallu, Michael Rosing oqarpoq.
AAMMA ATUARUK Rosingip isornartorsiutai Vestergaardip eqqunngitsuunerarpai
Demokraatilli aalisarnermut ataatsimiititaliami ilaasortaatitaata Nivi Olsenip tamanna tunngavissaqarsorinngilaa.
Nivi Olsenip, Michael Rosing taarserlugu aalisarnermut ataatsimiititaliami ilaasortanngorsimasup, oqaatigaa Demokraatit siuttui isumasioqatigereerlugit tamanna aalajangiunneqartoq.
- Inuit unammillersinnaasariaqarput. Periarfissaqartariaqarput, imatuunngitsoq inuiaqatigiit pigisaannik ataasiakkaat tunisinnarlugit parnaarlugit, Nivi Olsen oqarpoq.
AAMMA ATUARUK Michael Rosing matu matorluutigalugulu Demokraatinit tunuartoq