Nivi Olsenip Knud Rasmussenip Illua pulaaleraa

Tusagassiortut tassunga atatillugu aamma tikilluaqqusaasut, naalakkersuisut nittartagaanni atuarneqarsinnaavoq.

Ilinniartitaanermut Kultureqarnermullu Naalakkersuisoq katersugaasivimmi takusassarsiortinneqassaaq, katersugaasiviullu pisortaa Søren La Cour Jensen ilaatigut oqaloqatigineqassalluni. Oqaloqatigiissutigineqartussat pingaarnerpaat tassaavoq Knud Rasmussenip Kalaallit Nunaannut annertuumik pingaaruteqarsimanera, kalaallillu kulturiannik oqaluttuarisaaneranillu nunarsuup sinneranut siammarterisimanera eqqartorneqassallutik.

Danmarkip Kalaallit Nunaatalu akornanni nunarsuarmioqatinillu kulturikkut katersugaasiveqarnikkullu suleqateqarnerit aamma eqqartorneqassapput, Hundestedimilu Knud Rasmussen pillugu nutaamik katersugaasiviliornissamut Issittumilu Misigisassarsiorfissamik pilersitsinissamut eqqarsaatersuutinik Naalakkersuisoq aamma saqqummiivigineqassalluni.