Niugunik aningaasarsiassaqanngillat

Halibut Greenland Pelagic ApS-ip avaleraasartoorniarnissamut atatillugu attartugaani, Alexandr Meronenkomi, inuttaasut kilisaammiit piffissaq isumaqatigiissuteqarfiusoq sioqqullugu niugunik aningaasarsissanngillat.
aggustip 27-at 2015 14:18

Piginneqatigiiffup taassumalu sulisuisa akornanni isumaqatigiissummi allassimavoq, kilisaammi inuttat piffissaq isumaqatigiissutaasoq kipitiinnarlugu suliunnaaruni aningaasarsiassani annaassagai.

Isumaqatigiissut taamaattuusoq, Halibut Greenland Pelagic ApS-ip aamma kilisaammi Aleksandr Mironenkomi inuttaasup akornanni isumatigiissummi, illua tungeriik atsiorsimasaanni, takuneqarsinnaavoq.

Kisiannili Halibut Greenlandimi pisortamut tullersorti, Erik Sivertsen allatorluinnaq nassuiaavoq.

- Qaammatip qiteqqunnerani niusoqassappat, ullut sinneri suliffiginngisat taakkua aningaasarsissutigineqassanngillat, suliffiusimasut kisiimik aningaasarsissutigineqassapput. Taamatut paasineqassooq, Erik Sivertsen nassuiaavoq.

Aamma atuaruk ASSIT Halibut Greenlandip avaleraarsartoorniutaani suleruluttut

Halibut Greenlandip Pelagic's kilisaat avaleraasartoorniut attartugaa, russinit pigineqartoq, Aleksandr Mironenko, inuttanut atugarliornarnerarlugu, inuttaasimasoq KNR-imut oqaluttuareernerata kinguneranit, Greenland Halibut Pelagic-ip inuttaminut isumaqatigiissutai qanorinnersut paasissutissiutiguneqarput.

 

Atugarliorput

Avaleraasartorniut 86-inik inuttaqarpoq, taakkunannga arfinillit nunatsinneersullutik.

Nerisalupput. Siniffiit nutaanngilisimallutik ipeqaqalutillu. Tunisassiorfik eqqiluisaarfiunngitsoq. Suleqatit aalakoorlutik sulisartut.

Halibut Greenlandimi pisortap tullersortaata, Erik Sivertsenip, kilisaammi inuttat taamatut atugaqartinneqarnerannik tusagaqarsimannginnerarpoq.

- Uanga taanna paasissutissaq aatsaat tusarpara. Uannut anngunneqarnikuunngilaq, Erik Sivertsen oqarpoq.

Tamanna Halibut Greenlandip akisussaaffiginngikkaa, Halibut Greenlandimi pisortap tulliata aamma erseqqissarpaa:

- Ulluinnarni ingerlatsineq, umiarsuup iluani pisut, tunisassiornermullu attuumassuteqartut russit 100 %-imik akisussaaffigaat.