Inuussutissarsiutit

Niuertunngorniat siulliit naammassisut

Niuertunngorniat siulliit aqqaneq marluk naammasseqqammerput.
Saamerlermiit: Salgschef Ole Løvstrøm (Sisimiut), pisiniarfiup pisortaa Kristian Lyberth (Kangaatsiaq), pisiniarfiup pisortaa Ove Jere-miassen (Aasiaat), niuertoq Marie T Larsen (Kangerlussuaq), pisiniarfiup pisortaa Erik Immanuelsen (Upernavik), niuertoq Jørgen Mørch (Paamiut), niuertoq Ulloriaq Kristiansen (Kangaamiut), pisiniarfiup pisortaa Thomas Kristoffersen (Narsaq), niuertoq Mette Kristensen (Innaarsuit), pisiniarfiup pisortaa Hans-Erik Enoksen (Nanortalik), pisiniarfiup pisortaanut tullersorti Aviaja Ikila Abelsen (Ta-siilaq) aamma niuertoq Susanne Kristensen (Tasiusaq Upv). Assi © : KNI
Allattoq Bikki P. Kleist
februaarip 28-at 2017 07:38

KNI A/S-ip ilinniartitaaneq nutaaq Niuertunngorniarneq siorna aallartimmagu Pilersuisumi sulisut aqqaneq marluk aallartipput taakkulu tamarmik allagartartaarput.

Niuertunngorniartarneq qammatini qulingiluani sivisussuseqarpoq, peqataasullu piffissap taassuma ingerlanerani pingasoriarlutik Sisimiunut KNI-p kiffartuussiveqarfianut atuagarsoriartortinneqartarput. Niuertunngorniartut najukkaminni sulinermi nalaanni attaveqaatit atorlugit aamma suliakkersorneqartarput. KNI tusagassiorfinnut nalunaaruteqarluni taama allappoq.

Peqataasut nunaqarfimmi illoqarfimmiluunniit pisiniarfinni misilittagaqareersuupput, amerlanerillu ukiuni arlalinni Niuertutut sulereersimasuullutik.

Niuertunngorniarnermili peqataanermikkut annertuumik atuagarsornikkut aqutsineq, pilersaarusiorneq, niuertutut tamakkiisumik eqqarsarsinnaaneq, nalilersuisinnaaneq angusaqarusunnerlu itisilerlugit sammisimavaat.

Aamma atuaruk

Inuussutissarsiutit

Issittumi umiarsuit sorsuutit marluk ukiuni 15-ini qamutilittarsinnaanngitsut

Politiit ullormut nalunaarusiaat: Tillinniartoqarlunilu tillinniariaraluartoqarpoq