Nunatta niueqatigiinnikkut kulturikkullu Washingtonimi nittaarsaassinersua nunatta USA-llu akornanni suleqatigiinikkut nutaaliorfiussaaq.
- Massakkut suleqatigiinnikkut nukiit pioreersut nukittulerulersinnissaat siunertaavoq, Joint Committeep, nunatta USA-p Danmarkillu Ataatsimoortumik Suleqatigiissitaani dansket sinnerlugit aallartitat siuttuat Birger Riis-Jørgensen, dansket nunanut allanut ministereqarfianneersoq oqarpoq.
- Saqqummersitsineq aqqutigalugu suleqatigiinneq nukittorsarneqassaaq, assersuutigalugu Washingtonimi katersugaasivissuup Kalaallit Nunaannut tunngasunik saqqummersitsisarnera siunissami annertunerujussuanngussaaq. Ataatsimoortumik ataatsimiititaq qaammatini arfineq marlunni manna tikillugusulereerpoq, suliassallu aallartilaaginnartut Birger Riis-Jørgensen oqarpoq.
- Washingtonimi saqqummersitsineq naammasippat ataatsimoorluni aaqqissuussassat tulliit pillugit suleqatigiinnerit nanginneqassapput, Birger Riis-Jørgensen suleqatitsinnut Bikki Petersenimut, Washingtonimi pisunut malinnaasumut oqarpoq.