Assi: Ida Heinrich

Nipilersortartut kræftimik nappaateqalersimasoq Ida Heinrich katersuiniussutileraat

Nunatsinni nipilersortartut assigiinngitsut operamik erinarsortartup kræfteqalersimasup, Ida Heinrichiup, katsorsartinnissaa pillugu Nuummi tusarnaartitsinikkut katersuinialerput.

Kræftimillu eqqugaasimasup taamak amerlatigisut tapersersuinerat nukittuallaatigeqaa.

- Tuppallernartorujussuuvoq nuanneqaarlu taamatut aaqqissuisoqarsinnaammat, Operamik erinarsortartoq, Ida Heinrich, taama oqarpoq.

Ida Heinrichip kræftimik 2016-imi nappaateqalernera qanigisaanut nipilersortunullu allanut attuisimaqaaq.

Ida Heinrichimi inoqamminut asannittuuvoq tunniussaqarusuttartoq, ikinngutaasoq katersuiniutsitsinissamillu aaqqissuisoq oqaluttuarpoq.

- Pisinnaaffimmini, ileqquni atorlugit, inuiaqatiminut ikiuukkusulluni aaqqissuusseqattaartarpoq. Soorlu akeqanngitsumik sassartarpoq tusarnaartitsilluni, (Danmarkimi napparsimmavimmi, aaqq.) uninngaqatini angerlarsertut maqaasisaqartullu eqqarsaatigalugit ikiorusullugillu, Katersuiniutsitsinissamik aaqqissuisoq, Thora H. Nielsen, taama oqarpoq.

Appisimaaqataasussarsiornermilu nipilersortartut nangaariarnatik peqataajumasimapput.

Nipilersortartut nunatsinni nuimasut, ilaatigut Nanook, Inuk, Aalut, The Påhængsmotors allarpassuillu Ida Heinrichimut katersuiniuussillutik Nuummi Kristinemumi tallimanngornermi arfininngornermilu tusarnaartitsissapput.

Operamik erinarsortartup taama tapersersorteqarluartiginini ikinngutigilluakkamilu taama angitigisumik aaqqissuisimanera qujamasuutigeqaa.

 - Tassaniiginnarpoq inoqammut aamma asanninneq. Tassa taanna tunniusserusunneq tamanit uanga isumaqarnerpaatippara, Operamik erinarsortartoq, Ida Heinrich, taama oqarpoq.

AAMMA ATUARUK Nipilersortartoq kræftertoq katersuiniullugu tusarnaartitsilersut

Nipilersortartut kræftertumut ikiuiniarlutik Nuummi Kristinemumi unnugu aqagulu arfininngornermi unnukkut nalunaaqutaq aqqanermiit tusarnaartitsissapput.

Aningaasat katersorneqartut Ida Heinrichip katsorsartinnissaanut inuuniarneranullu oqilisaataasussatut atorneqassapput

AAMMA ATUARUK Ilulissani kræftemik eqqugaasut katersuiniunneqarput

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!