Nipilersorneq eqqagassallu ataatsimoortinneqarput
Nipilersornermut ilinniarfik Kulturikkut Illorsuarmi Taseralimmi ualimut nalunaaqutaq 16.00-ip 18.00-illu akornanni tamanut ammasumik aaqqissuussissaaq.
- Nipilersornermik Iliniarfimmi atuartut arlallit nipilersorlutillu erinarsussapput, kisianni allat takutitserusuttut aamma tikilluaqqusaapput. Aaqqissuussinerup nalaani eqqagassanut elektroniskiusunut saviminernullu eqqaavissiat Kulturikkut Illorsuup silaataanut ilineqassapput.
Eqqaavissianut iginneqartut Kommunip Teknikkimut Avatangiisinullu immikkoortortaqarfianit isumagineqassasut, Qeqqata Kommunianit paasissutissiissutigineqarpoq.
Tallimanngornerit allortarlugit taamatut aaqqissuussisoqartalernissaa pilersaarutaasoq kommunimit aamma ilisimatitsissutigineqarpoq.
Nipilersortitsinernut aggiasoqarluartassappat aaqqissuussinerup unnukkut pisalernissaa nipilersornermik ilinniarfiup siunissami pilersaarutigigaa kommunimit ilanngullugu nalunaarutigineqarpoq.
