Niels Thomsen: Aningaasarsiornikkut soqutigisavut saqqummiutsigit
Niels Thomsen isumaqarpoq, Folketingimi kalaallit maanna ilaasortaatitaasa Juliane Henningsen-ip Inuit Ataqatigiinneersup aamma Lars Emil Johansenip Siumumeersup aningaasarsiornikkut soqutigisamik saqqummiunnissaat kissaatigisimanngimmassuk tupigikulunnartoq.
Tamanna unittariaqartoq Niels Thomsen isumaqarpoq. Taamaammat partiit tamarmik qinigassanngortitaasa imminnut assammillutik qinersisartut neriorsussagaat isumaqarpoq, tassa aningaasarsiornikkut soqutigisaqarnerlutik nalunaarutigissallugu, takutinniarlugu Kalaallit Nunaata soqutigisai sulissutiginiaritik, nammineq inuttut soqutigisatik pinnagit.
- Arlaannattaluunniit assortorsinnaanngilaa, qinersisartut piumasarimmassuk politikerit saniatigooralugu atorfii, siulersuisuni ilaasortaaffii suliffiutaallu ammaffigineqassasut, Niels Thomsen oqarpoq.
