Assi: Bryan Ledgard/Flickr Creative Commons

New Yorkimi imerniartarfinni qitittoqaqqusaannginneranut inatsit atorunnaarsinneqartoq

New Yorkimi imerniartarfinni, neriniartarfinnilu 10.000-ilikkaani qitittoqaqqusaannginneranut inatsit ukiuni 91-ini atuussimasoq, New Yorkip borgmesteriata Bill de Blasiop atuuttussaajunnaarsissimavaa.

Inatsisip 1926-mi atuutilersinneqarsimasup atuukkunnaarsinneqarnissaa, New Yorkimi kommunalbestyrelsip siusinnerusukkut taasissutigisimavaa.

Inatsit ammit qalipaataat aallaavigalugu nikassaasuusoq, inatsimmik isornartorsiuisut oqaatigiuarsimavaat, tassami inatsit New Yorkip ilaani Harlemimi jazzklubinik aallaqqaammut eqquisimavoq, taartunik qaamasunillu amillit naapittarfiinik eqquiniartutut taaneqarluni.

Latinamerikamiut, inuillu suiaqatiminoortartut inatsisitigut aamma eqqorniarneqartut, inatsimmut illuatungiliisut oqaatigiuarsimavaat.

1990-ikkunni borgmesterip Rudy Giulianip inatsit pinerlunniartarnerup akiorniarneqarnissaanut atorpaa.

- Maanna 2017-iuvoq, inatsillu isumaqarunnaarsimavoq. New Yorkimi unnuakkut qiimasuttunut qitiulluinnarpoq, inuillu naapittarfigivaat, New Yorkip borgmesteria Bill de Blasio oqarpoq.

/ritzau/AFP

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!