Neqi A/S: Ukioq manna tunisineq naammassilluarpoq
Naak savaaqqat savallu tunisat ikinnerugaluartut angisuunik tunisisoqarsimasoq, uumasunik toqoraavimmut Neqi A/S-imut ukiormanna tuniniaanerup tamanna takutippaa.
- Savaaqqat savallu 2016-imi siornamut sanilliullugu savat ikinnerit tunineqarnissaat naatsorsuutigereerparput, Neqi A/S-imi pisortaq Per Jensen oqarpoq.
Tunisallu 2014-imi 2015-imilu unikkaallassimanerat Neqi A/S-imit nuannaarutigineqarpoq. Aappaagumummi tunisat ukioq mannamut sanilliullugu amerlanerunissaat naatsorsuutigineqarmat.
Ukiormanna savat 2,5 kilomik oqimaannerusut Neqi A/S-mut tunineqarput.
278 tonsit ukiormanna tunineqarput, siorna 246 tonsit tunineqartut.
Tassa savat savaaqqallu ukioq manna katillugit 18.641-t tunisaapput.
Tamatuma saniatigut tuttut 73-it, umimmaat Arsuup Kangerluaneersut misiligutaasumik 57-it tunineqarput, nersutit 23-t kiisalu naatsiiat tunisassarineneqassamaartut 100 tonsit aamma tunineqarsimapput.