Nunarput ajorsaqqippoq
Unamminermi Nunarput 33-25-mik ajorsarpoq.
Minik Dahl Høegh arfineq marlunnik isertitaqarluni isertitaqarnerpaavoq.
Nunanut allanut unammisartut, Nunatsinni najugaqartut, unamminissamut angumersissanersut nalorninarsimavoq, ullummi kingulliit silap atoruminaassimanera pillugu Nuummiit Reykjavikkimut timmisartuussinerit kinguaattoortaqattaarsimapput.
Unamminissallu aallartinnissaata akunneq ataasiunngitsorluunniit Nuummiit timmisartoq Reykjavikkimut mippoq, unammisartullu toqqaannaq timersortarfiliaanneqarput. Maani kissasipallariarlutik unammipput.
Unamminerup muminnerani Nunarput 21-11-mik kinguaqqavoq.
- Islandip nunanut allanut unammisartui pikkorissut naapippagut, qaffasissumillu arsarput. Ullormut ilikkakkavut ineriartoqqinnissatsinnut nassassavagut, nunanut allanut unammisartutta sungiusaasuat Niels Møller tusagassiuutinut nalunaarummi allappoq.
Nunanut allanut unammisartut Islandimi klubbi Stjernan sapaammi naapissavaat.
