Assi: Andreas Gilje Bergslien/Luftforsvaret

NATO-p qullersaa Danmarkimut tikeraartoq

NATO-p qullersaa, Jens Stoltenberg, sillimaniarnikkut politikkip killiffia Danmarkillu NATO-mut akiliutigisartagai eqqartorniarlugit ulluni makkunani Danmarkimiippoq.

Danmarkip NATO-mit sakkutooqarnikkut illersugaanini qulakkeerniarlugu akiliuteqarnerunissaa piumasaqaatigineqartoq Stoltenbergip siornatigut erseqqissaatigisimavaa.

Isumaqatigiissut Helle Thorning-Schmidtip Walesimi 2014-imi atsiugaa naapertorlugu, Danmarkip BNP-mi 2 procentia illersornissamut atortussavaa. Tamannalu ukiumut 30 milliardit koruunit sinnerlugit aningaasartuuteqarnerunermik kinguneqassaaq.

Illersornissamullu aningaasaliissutigineqartut qanoq amerlatigisunik ilaneqassanersut Socialdemokraatit Venstrellu illersornissaq pillugu isumaqatigiinniarnerit ukiaru ingerlanneqartussat sioqqullugit erseqqissumik oqaaseqarfigerusunngilaat.

AAMMA ATUARUK Danmark illersornermut aningaasartuuteqarnersoriaqartoq

Dansk Folkepartiimeersulli Søren Espersenip nutaarsiassaqartitsivimmut Ritzauimut oqaatigaa Danmarkip BNP-mi 2 procentia akiliutigisariaqaraa.

- Peqatigiit Danmarkip illersorneqarneranut ikiuisut peqataaffigissagaanni taamaattariaqarpoq. NATO-p avataani inissisimassagutta tamanna uatsinnut qanoq akeqassanersoq eqqoriassallugu merseraara.

Amerikamiut Pituffimmi sakkutooqarfeqarnerat pissutigalugu Danmarkip NATO-mut ilaasortaanermut akikillisaavigineqartarnera arlaleriarlugu oqaatigineqartarpoq. Tamannali danskit naalakkersuisuinit uppernarsarneqarsimanngilaq.

 

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!