NATO-mi ataatsimiikkasuarput
Timmisartoq sorsuut Tyrkiap killeqarfiata iluaniittoq siorasaarummik quleriarlugu fem minutsip iluani tunineqarsimagaluarput, timmisartunilli aquttut tamanna soqutiginngimmassuk nakkartinneqarsimapput.
-Russit timmisartuat Su-24 malittarisassat malillugit nakkartinneqarpoq, tyrkiamiut silaannartaannik unioqqutitsimmat, tyrkiamiut præsidenteqarfiannit nalunaaruteqartoqarpoq.
Timmisartortartut qanoq pisimanersut suli iluamik paasineqanngilaq, kingaallassaaserlutilli Syriap Tyrkiallu killeqarfiata eqqaani nakkariartortut takuneqarsimapput.
Tyrkiamiut najoqqutaralugit silaannartartik iserfigisimagaat oqaatigineqarpoq. Russilli syriamiut silaannartarniiginnaavinnertik uppernarsinnaallugu oqaatigisinnaanerarpaat.
CNN-ip tyrkiami immikkoortortaa najoqqutaralugu inuinnarnik oqaloqateqaramik, timmisartortartup aappaa, tyrkiami inuiaat ilaannit, turkmenerenik tiguneqarsimavoq, timmisartortartulli aappaa suli qanoq pisimanersoq ilisimaneqanngilaq.