Nassuttuumi Amitsorsuarmilu angallattoqannginnissaa kajumissaarutigineqarpoq
Nassuttuumi nunap ilarujussuata ikuallannera pissutaalluni Nassuttuumi Amitsorsuarmilu angallattoqannginnissaa, nunami pisuttuarneq piniarnerlu taakkununnga ilaallutik, Kalaallit Nunaanni Politimestereqarfiup nalunaarutigaa.
Allattoq Aaqqissuisoqarfik / Redaktionen
Nutserisoq Mads Lynge
Nassuttummi nuna 5-15 kvadratkilometerisut annertutigisoq ikuallappoq. Ikuallanneq 2 kilometeritut qutsitsigisumut pujuliortitsivoq, pujorlu kilometerinut hunnorujulikkaanut siaruaakkiartortoq nalunaarutigineqarpoq.
Amitsorsuup nalaani nuna 800 x 800 kvadratmeterit missaannik annertutigisoq ikuallappoq, tamaanilu aamma pujuliortitsilluni.
Taama pujuliortitsisoqarnera pissutaalluni angalasut sammiveeruttoorsinnaasut, Politimestereqarfiup aarlerisaarutigaa.
Nassuttuumi Amitsorsuarmilu nunat ulluni tulliuttuni suli ikuallattuarallarnissaat ilimagineqarpoq.
Oqartussat pisut malinaavigaat.