Nassuttuumi ikuallanneq annikillineqartoq

Nassuttuumi ikuallannerup qatserisartunit siaruatsaaliorneqarneratigut ikuallanneq annikillineqarpoq. Ikuallaffiusumi tallimanngormat alapernaarsuisoqareersorlu sumiiffinni ikittuinnarni annikitsumik ikuallattoqarpoq.
aggustip 18-at 2017 19:14

Qaasuitsumi qatserisartut pisortaat, Bjarne Gregersen taama nalunaaruteqarpoq.

Nasuttumi ikuallanneq siaruatsaaliorniarlugu ikuallaffiusut ungullugit qamisarneqarsimapput, tamannalu iluatsittoq, qatserisartut pisortaat ilisimatitsivoq.

Qaasuitsumi annaassiniartartoqatigiit ullut arlerlugit ikuallaffiusup kitaatungaanut kujataatungaanullu siaruaatinnginnissaa anguniarlugu ulapputigaat. Taamaalilluni sumiiffinni maanna annikitsuinnarni ikuallattoqarpoq, pingaartumik innarinnarni qamisaaffiusinnaanngitsuni. Qatserisartut ulappussimaqisut atortuminnik katersuillutik aallartipput arfininngornermilu utissallutik.

Qaasuitsumi qatserisartut pisortaat, Bjarne Gregersen taama allappoq.

Ikuallaffiusoq ikuallaleqqissimanersoq paasiniarlugu sapaatip akunnerata tulliani alapernaarsuisoqaqqissasoq, Bjarne Gregersen aamma allappoq.