Politikki

Qanigisat Kalaallit Peqqissartut Illuanni pitsaanerusunik atugassaqartinneqalersut

Kalaallit Peqqissartut Illuanni qanigisamik akeqanngitsumik aappaagumiit 2017-imiit ineqateqarsinnaallunilu nerisaqarsinnaaneq Københavnimi periarfissaalissaaq.

Allattoq Karsten Sommer

maajip 26-at 2016 10:15

Nutserisoq Mads Lynge

Inuit Ataqatigiit sinnerlugit Inatsisartuni ilaasortap Mimi Karlsenip siunnersuutaa Inatsisartuni ippassaq pingasunngornermi taasissutigineqarmat amerlanerussuteqarluartut, 23-t, siunnersuut tapersersorpaat.

Siunnersuutip amerlanerussuteqarluartunit ilalerneqarnera Inuit Ataqatigiinnit nuannaarutigineqarpoq.

Aamma atuaruk Napparsimasut ingiaqateqartikkusukkai

Siunnersuut piviusunngussappat tamanna 18 millionit koruuninik naleqarnissaa Naalakkersuisut aallaqqaammut oqaatigigaluarpaat, tamannali maanna allatut nalilerneqarpoq, siunnersuut 2 millionit koruuninik naleqarnissaa Naalakkersuisut maanna naatsorsuutigaat:

- Nuannaarpgut tussunngullutalu, inuit pinartumik napparsimasut, ilaquttaminillu najorneqarnissamik pisariaqartitsisut matumuuna inigisaminnut nerisaminnullu akiliuteqartariaarutissammata, Agathe Fontain, Inuit Ataqatigiinneersoq oqarpoq, nangillunilu:

- Inuiaat napparsimasortaminnut iliuuseqarsinnaasariaqarput tamatta illersorsinnaasatsinnik, Agathe Fontain oqarpoq.