Napparsimasut Nunavimmeersut angerlarsimaffittaartinneqalersut
Napparsimalluta Nunatsinnit Københavniliartariaqaleraangatta ukiorpassuarni kalaallit napparsimasut angerlarsimaffianni inissinneqarnissamut periarfissaqartarsimavugut. Naggueqativulli Canadami Nunavimmeersut taama periarfissaqartarsimanngillat.
Allattoq Marianne Stenbæk, Montreal, Canada
juulip 17-at 2015 11:10
Nutserisoq Erna Lynge
Maannali kiisami inuit Nunavimmeersut Montrealimut suliaritikkiartoraangamik namminneq illutaarnialerput.
Nunavimmeersut maannamut aaqqiigallarnerit assigiinngitsut naleqquttuaannanngitsut naammagiinnartariaqartarsimavaat.
Nunaviup peqqinnissamut sullissivia nalunaaruteqarpoq, Quebecip naalakkersuisuiniit aningaasanik pissarsisimallutik.
Illutassaa suli suliarineqanngilinngilaq, Montralilli mittarfeqarfiata ungasinngisaani piaartumik sanaartorneqalissaaq.
Napparsimasut illussaanni cafeteriaqassaaq avannaaneersunik kujataaneersunillu sassaallertassalluni, qullersaqarfeqassalluni 91-inik sinittarfeqassalluni nunavimmiunut 143-nut inissalinnik.
