Napparsimasut nerisassaat killeqarfimmi arsaarinnissutaapput

Pappiaqqat uppernarsaatit amigaataanerat pissutaalluni Københavnimi peqqissartut angerlarsimaffianni najugaqartut nerisassaat Aalborgip umiarsualiviani unitsinneqarput.

Kalaalimerngit Københavnimi kalaallinut peqqissartunut nassiussat Aalborgip umiarsualiviani killeqarfimmi nakkutilliisut juunip qaammataa arsaarinnissutigaat. Nassiussat ilaat nunatsinni tuniniarneqarnissaminnut akuerisaanngitsut suujunnaarsinneqarput.

Tamanna erserpoq Naalakkersuisunut ilaasortap Agathe Fontainip Ruth Heilmannimut Siumumeersumut akissutaani. Kalaalimerngit Aalborgip umiarsualiviani arsaarinnissutaasut pillugit taanna paragraf 37 naapertorlugu apeqquteqarpoq.

Nassiussanut uppernarsaatissat amigaataanerat pissutigalugu kalaalimerngit peqqissartunut Københavnimiittunut sassaalliutigineqarnissaat qaammatinik arlalinnik kinguaattoorpoq.

Taamaattoq nassiussat amerlanersaat septemberimi oktoberimilu apuunneqarput.

Nassiussat Danmarkimut eqqunniarnerisa ajornartorsiutaanerannik  kinguneqartumik kukkussuteqartoq tassaavoq Arctic Green Food.

Namminersorlutik Oqartussat inuussutissalerinermut immikkoortoqarfiat Arctic Green Foodimut ilitsersuutinik apuussaqareerpoq siunissami taama pisoqaqqinnginnissaa anguniarlugu.

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!