NAPA nerisassanik maanngaannartitsineq unitsinniarlugu suliniuteqarpoq

- Nerisassanik maanngannartitsisarneq nunarsuarmi ajornartorsiutini ajornerpaat ilaanniippoq, tamattalu nerisakunik nerinissamut pikkorinnerulertariaqarpugut, Mette Hein oqarpoq.

NAPA-p Pisiffik aamma Nuuk Center suleqatigalugit maanngaannartitassaagaluanik nerissassiornernermi ilitsersuutinik Nuummiunut arfininngormat Novembarip 15-iani agguaapput. 

Amma nerisassanik maanngannartitsisarneq pillugu novembarip 15-ani sapaatiummallu novembarip16-iani saqqummersitsipput. Saqqummersitat nunatta sinneranut angalaartussaapput, illoqarfiillu katersugaasiviii saqqummersionneqassallutik.

- Naatitanik naammaannartunik pisisarnissaq ilikkartariaqarparput, naatitat nerineqanngikkaangamik oqulertaramik, taava maanngannartitsilluta aningaasat annaasarpagut, naatitallu igiinnartariaqalerlutigit. Taamaliortarnerlu avatangiisitsinnut pitsaanngilaq.

Facebookkimi siunnersuutit

NAPA Facebookimi gruppiliorput, tassanilu takuneqarsinnaapput nerisakut atorlugit nerisassiornermi ilitsersuutit, aamma Facebook gruppimi nerisakuit allanut tunniunnissaanut periarfissaqarpoq.

- Nerisassanik maanngannartitsisarneq tassaavoq nerisakut soorlu: Unnukkorsiutikut, kaffisortitsinermiinngaanniik kaagit sinneruttut, immaluunniit ippassaani nereqatigiinnermi nerisat nerineqanngitsut igiinnakkat, Mette Hein NAPA-mi sulisartoq aamma suliniummi "Nerisassanik Maanngaannartitsineq" suleqataasoq taamak nassuiaavoq.

Assersuutigalugu Europami nerisassat 30 procentiisa missaat iginneqartarput, taamaalillutik Europamiut aningaasat 566 milliarder Euro immaluunniit 4.217 milliarder koruuninik ukiumut annaasarpaat.